Oskar Þór Hjaltason

hæ allir

2008-04-12T22:10:00.004+02:00

elsku besta fólk, það gaman að heyra frá honum Magga úr eyjum (fyrrum yfirmanni mínum) ég hugsa oft til þín kallinn minn, þó hugsa ég oftar til hennar Bengtu minnar sem ég hitti of sjaldan, svo er hugur minn oft hjá Ingvari en þó ekki á sama hátt, Bengta virkar öðruvísi á mig en þú Ingvar minn kæri, það er bara þannig.... og jón ég mun reyna að mæta til leiks fyrir norðan

PS christel þín er sárt saknað.

Langt síðan síðast

2008-03-02T16:55:00.002+01:00

Hæ þið, ég hef ekki beint verið duglegur við þetta blogg, vonandi lagast það með aldrinum. en héðan er sko allt ágætt að frétta, ég vinn og vinn eins og ég get enda er ekki ódýrt að eiga hús sem þarf að klára, en það er allt að koma með efrihæðina. Patrekur töffari stóð sjálfur í gær og ég er að springa úr monti, ég reyni að blogga í byrjun september næst.

Tilefni til tilhlökkunar.

2007-12-07T12:57:00.000+01:00

Sælt veri netfólk, við erum á leið uppá ísland í næstu viku og verðum í 3vikur. Það er langt síðan ég sá föðurlandið og vá hvað maður ber sterkar taugar til heimalandsins. Vonandi náum við að hitta alla á þessu tímabili. verið hress þangað til og munið....... lífið er eins og lindukonfekt, þú veist ekki hvenær það rennur út.

Sweety

2007-12-05T23:54:00.000+01:00

Elsku besta stelpan mín.

Nostalgía

2007-11-26T18:09:00.000+01:00

Hér sit ég í landinu fjalllausa rétt 50kílómetrum norðan við Himmelbjerg og tæpum 90kílómetrum sunnan við Limafjörð, og læt hugan reika 25ár aftur í tíman, því þá flutti ég nefnilega frá Skagaströnd og sá punktur í lífi mínu var örugglega sá sem markaði mig mest seinni ár, ég var aldrei sáttur við að fara en hafði auðvitað ekkert um það að segja þar sem foreldrar mínir skildu. Nú síðustu daga hef ég verið að skoða síðu sem jón er með (Hann er hér linkaður til hliðar) og þar eru ótal myndir frá þessum tíma og ég sé hve miklu ég missti af þegar ég fór, ég var mikið einn næstu ár eftir flutningana og missti sambandið við æskuvinina, það er merkilegt hve gamlar ljósmyndir geta snert mann og vakið gömul sár.

En ekkert væl! sig hæl!

Leitið og þér munuð finna

2007-11-15T22:43:00.000+01:00

Ég fann æskufélaga minn á öldum alnetsins í gær, Jón Arnars var þar galvaskur með þvílíkt safn ljósmynda frá æskuslóðum okkar, gaman að því. Hér til hliðar eru ungarnir sprækir.

Spandering

2007-10-22T10:56:00.000+02:00

Það að spandera þekkjum við Íslendingar vel, við kaupum okkur það sem okkur langar í þegar okkur langar í það. En var þetta alltaf svona? nei því ekki var nú ríkidæmi íslendinga mikið á fyrri öldum og er það að stórum hluta Dönum um að kenna. það var ekki fyrr en eftir stríð þegar Marshall aðstoðin fór að sjá Íslendingum fyrir vinnu á sjó og landi með til dæmis fjármögnun fjögurra síðutogara sem ég man nú ekki hvenær voru keyptir. Pointið er að spandering Íslendinga er mjög eðlileg afleiðing ofvæðingar, þegar lítilli þjóð er sparkað úr myrkum miðöldum inní tækniöld. Það má alveg segja að ísland hafi verið 3ja heims land til loka átjándu aldar og var svo orðið í fremstu röð tækni og viðskipta í heiminum hundrað árum seinna. Hér er annað point, íslendingar hafa þurft að aðlagast breytingum ótrúlega hratt og það markar lífshætti okkar, semsagt hraði og mikil aðlögunarhæfni. Dugnaður Íslendinga er vel þekktur hér í skandinavíu og vonandi verðum við alltaf svona.

Hér kemur það gott fólk

2007-10-20T10:15:00.000+02:00

Jú því er ófagnandi dugnaði mínum við bloggið, það hefur margt gengið á síðustu daga, vinnubíllinn bilaður og ég hef ekkert getað unnið í viku! það kemur frekar illa við veskið en við því er ekkert að gera. en annars er allt við það sama, fórum þó í afmæli um daginn og var það mjög gott að komast aðeins út. Ég hlakka mikið til að koma til íslands í desember og hitta sem flesta. meira blogg næst, bæbæ.

Það er kominn tími á mynd

2007-09-16T08:07:00.000+02:00

Þau eru endalaus uppspretta gleði þessar elskur

Atvinnumaður í dugnaði og hetjuskap

2007-09-14T22:56:00.000+02:00

Ég hef risið úr öskustónni og eins og titillinn ber með sér tekið þá ákvörðun að vera duglegur, Ekki það að ég sé eitthvað latur fyrir, nei. Ég hef einfaldlega ekki verið nógu duglegur. Ég á svo ótal margt eftir að gera að það er sorglegt! svo er það eitt.. mig hefur alltaf langað að komast í gott líkamlegt form... og að spila meira á gítarana mína... og allt. Fjandinn!! þetta er alltof mikið!!! Hvar á að byrja? ég verð bara þreyttur og nenni engu, ég ætla að leggja mig.

Blessi yður.

Letibeyglan ég

2007-08-21T09:48:00.000+02:00

'eg veit! rassgatis!

En hér á dögunum var Ingvar Valgeirs hjá okkur með ungan sinn litla, það var ánægjulegt í alla staði. Rósa systir mín kemur á föstudaginn og hennar fjölsk auðvitað, ég er búinn að vera að vinna eins og skepna í búslóðafluttningum og er lítið heima, núna er ég tildæmis á leið í vinnuna. adios..... meira blogg innan skamms

Halló rassgöt

2007-07-23T22:28:00.000+02:00

Héðan er allt gott að frétta. við erum alltaf að og fílum það fínt. Það rignir eins og ég veit ekki hvað hérna í baunaríki!!! En við erum bæði með smá heimþrá þessa dagana enda soldið einángruð hérna í sveitinni, en það líður hjá vonandi

myndarbörn

2007-06-25T20:17:00.000+02:00

Ég á myndarbörn og er svaka lukkulegur pabbi, ég ætla að setja inn myndir innan skamms, sorry hvað ég blogga sjaldan en það er mikið að gera á stóru heimili. love jú oll.

Loksins!!

2007-06-08T19:57:00.000+02:00

Hann er mættur á svæðið, 56cm og rúmar 18 merkur! stór og myndarlegur pabbastrákur, ég er stoltastur.

Neibb, ekki í dag

2007-05-29T21:33:00.000+02:00

Það er allt með kyrrð og ró, ekkert barn í dag, en þrumur og eldingar úti!!! júhú...

Rólegheitarbarn

2007-05-28T21:23:00.000+02:00

Ekki er komið barn! við bíðum þó róleg.... Jónína fékk verk í öxlina í gær en það segir ekkert um hvenær unginn kemur, frekari fréttir bráðlega elskurnar mínar.

Glæsilegust

2007-05-11T18:55:00.000+02:00

Sjáiði hvað ég á fallega konu, how lucky am i?????

Rassgatis gleymskupör

2007-05-07T22:23:00.000+02:00

Ég missti úr minni mínu lykilorðið og hef því ekki stundað bloggun um hríð. en nú man ég það aftur elskurnar mínar og mun herða mig í skrifum. Það er helst að frétta að það gengur allt mjög vel hjá okkur, Jónína er að springa úr óléttu og yndislegheitum, ég er alltaf að vinna og reyni að nota frítímann í að vinna hérna heima í hinum ýmsustu verkum sem til falla hér að haurum. eftirleiðis mun skammt milli blogga.

Afsakið hlé

2007-04-14T21:29:00.000+02:00

Langt er um liðið síðan ég blaug (bloggaði) síðast. Skamm á mig fyrir það! Það er svo mikið búið að gerast að það er fáránlegt!! Við keyptum hús, við stofnuðum fyrirtæki sem heitir 24seven transport. við keyptum sendibíl og erum að kaupa bíl fyrir Jónínu líka!!!. Rassgatis annríki má nú segja...
En nú þegar netið er tengt að nýju mun ég leggja mig í líma við að blogga sem aldrei fyrr.

Hressandi

2007-02-23T17:44:00.000+01:00

Já við héldum blót um daginn og það var svona líka rífandi stemning með tilheyrandi brennivínssulli.
Þarna var gott fólk, drengirnir í sixties léku eins og hetjur, Helga Braga var einnig dásamleg og fékk ég að vera sérlegur aðstoðarmaður hennar sem var einkar príðilegt. Það snjóar í Mörkinni og ekki orð um það meir.

Stúlkan mín

2007-02-16T11:05:00.000+01:00

Fallega stelpan sem er búin að vera svo lasin

Gautaborg í danmörk?

2007-02-03T19:02:00.000+01:00

Ég til Gautaborgar um næstu helgi að neita bjóra og syngja á mig gat með Ingvarsbandi. lengi lifi saurlífið...

Þetta er húsið okkar

2007-01-27T22:48:00.000+01:00

1 Apríl fáum við lykla að þessu fallega húsi sem við festum kaup á nú á dögunum. er það ekki fínt?

Bloggleti

2007-01-22T23:38:00.000+01:00

Sorry bloggletina, það er mikið annríki þessa dagana, eru ekki allir í stuði'

gleðilegt nýtt ár

2007-01-01T22:47:00.000+01:00

2007 runnið í hlað elskurnar mínar, hvað á að gera á þessu ári? einhver áramótaheit?

Jólabarnið mitt

2006-12-20T16:41:00.000+01:00

Þarna var mikið hlegið, ég nenni ekki að skrifa meir, nóg að gera sjáðu

Brúðarkaup er afmælt um eitt ár

2006-12-17T20:17:00.000+01:00

Í dag eigum við Jónína eins árs brúðkaupsafmæli. Ég gæti ekki verið heppnari með konu þó um alla veröld væri leitað, ég ætla að verða gamall með henni.... eða öllu heldur langt á undan henni samanber lagið mitt"verða gamall með þér". ég er rómó í dag og fíla það fínt, nú ætla ég að fara og kissa kellu. bæbæ.

Hver má hvað og af hverju?

2006-12-15T06:46:00.000+01:00

Góð spurning! Sem dæmi þá er það endalaust asnalegt þegar fólk kallar sig "listamaður" án þess að eiga fyrir því. Hvort sem það er ljóð, leik eða tónlist þá er það ekki viðkomandi sem getur byrjað að kalla sig "listamann" og komist upp með það. Listamaður er nafnbót og nafnbót er alltaf áunnin, sem dæmi um það þá er Erró "mikill listamaður". Á hinn bóginn er hægt að segja að manneskja sem numið hefur list sé "listamaður" og get ég tekið undir það að vissu marki, en verð þó að segja að ansi margir menntaðir, eru hreint slakir og ekki verðugir þessari nafnbót. Til þess að öðlast téða nafnbót þarf neitandi/njótandi listarinnar að bera hróður viðkomandi manna á milli og fyrr en varir er viðkomandi orðinn "listamaður" í augum fólksins. Þá og ekki augnabliki fyrr er skapaður listamaður. Svo þeir sem ganga um með þá flugu í höfðinu að það sé nóg að taka sér listamannsnafn og þekkja Megas til að vera "listamaður". þeir gætu vart verið fjarri lagi.

Hvað finnst þér?.... er þetta bull?

Jólasveinn

2006-12-12T23:07:00.000+01:00

Þessir alræmdu jólasveinar eru komnir á stjá og aldrei verið vinsælli. Ég er talsvert áttavilltur því ekki virðist á hreinu hve margir eru starfandi í þessum geira. Samkvæmt Bandaríkjamönnum er hann einn og heitir santaclaus/saint nick og er samkvæmt nafninu dýrlingur (saint claus) santa er Ítalska og því mætti ætla að þarna væri kaþólskur munkur á ferð en svo er ekki. Þarna er hugmyndavinna Bandarísks snillings að nafni Haddon Sundblom. Haddon skapaði þennan góðláta karl fyrir Coca cola uppúr 1920 í auglýsingaskini. En förum aftar í tíman því ekki skapaði Haddon sveinka úr engu.

Saint Nicholas, Biskup í Myra (nú Demre í Tyrklandi) kemur í leitirnar sem fyrsta vísbending um kauða. Hann fæddist 280 eftir Krist og varð eftir sinn dag gerður að dýrling yfir ungabörnum, sjómönnum, námsmönnum og Rússlandi!.

Saint Nicholas, Gift-Bearer to Europeans kemur næst og er sennilegast rótin af þessu sem við sjáum í dag, þetta er sami maður en önnur ímynd. Fram undir 1200 óx hróður hans mjög í evrópu og hann var þekktur sem "Miracle Maker", af Rússum. Um 1300 var hann orðinn "Gjafarinn" í frakklandi og því má ætla að þaðan þróist Jólasveinn nútímans.

Svo kemur Íslenska útgáfan, 9 eða 13 að tölu og alls ekki frínilegir ásjár. Sem synir skessunar Grýlu og tröllsins Leppalúða hrelldu þeir forfeður okkar með pervisnum áráttum hvers og eins. Það er ekkert fallegt við þessa sveina og sem dæmi um það er nöfn þeirra, Stúfur, Stekkjastaur, Ketkrókur, Bjúgnakrækir, Gluggagægir, Askasleikir, Hurðaskellir, Gáttaþefur, ofl.
Giljagaur er afskaplega merkilegt nafn því það að gilja er að hafa mök og hefur því verið varpað upp hvort kauði hafi "Giljað" fé landsmanna. Önnur kenning er sú hvort kloflengd gaurs hafi spannað gil í einu skrefi.

Jóla hvað????

Kvennagullið

2006-12-07T18:55:00.000+01:00

Já maður hafði lítinn frið fyrir stelpunum í útilegunum,,,, það held ég nú...

Stelpurnar

2006-12-05T02:25:00.000+01:00

Ég er svo stoltur af stelpunum mínum, þær eru svo fallegar og svo á ég gullfallegan strák líka. Lífið er þau og ekkert annað

Dagur sunnu

2006-12-03T20:18:00.000+01:00

Helgin liðin börnin góð. Ég átti fína helgi þar sem margt rak á fjörur mínar, ég sé um Petrínu á næturnar og það er bara basl að fá þennan orm til að sofa í rúminu sínu. Ég er ekki mikið búinn að sofa undanfarið, ég er svo illa haldinn af svefnleisi að það hálfa væri sko fínt, ég fæ þetta yfir mig öðru hvoru og það er mjög pirrandi. Fór út í gær með Kollu, Hrefnu og vinkonu Hrefnu sem ég man ekki hvað heitir, það var mjög gaman. Við fórum á Train á svona eurovisionkvöld þar sem hljómsveit spilaði fullt af ömurlegum lögum. Þetta var samt þrælfínt kvöld og Kolla skemmtileg að vanda, slær ekki feilpúst kellingin. Svo var auðvitað mikil þynka og kom Jónínan mín mér til bjargar og hugsaði vel um garminn. Fleira er ekki í fréttum, góðar stundir.

Skemmtileg mynd

2006-11-28T01:28:00.000+01:00

Þetta eru pabbi, Númi og Birta sem er akkúrat að sulla heilum bjór í kjöltu afa síns eins og sjá má. Hún greiddi bjórinn að fullu og dauðsá eftir öllusaman

http://www.dundurfrettir.blogspot.com/

2006-11-24T10:13:00.000+01:00

Kíkið á þetta gott fólk. Einfaldlega besta "cover,, band íslands fyrr og síðar og vel þess virði að fara og upplifa frábæra hæfileikamenn að verki.

Einfari sem á tvífara á selfossi

2006-11-22T23:37:00.000+01:00

Frá því ég man eftir mér hef ég verið einfari. Hvers vegna veit ég ekki, þó var ég frekar utanveltu sem barn og unglingur. Ég einhvernveginn passaði ekki eða var ekki meðtekinn í þá hópa sem mynduðust í skólum. Það var auðvitað soldið leiðinlegt þá en það plagar mig ekki í dag og hefur ekki gert í mörg ár svo ég muni. Margir af þeim sem ég þekki hafa mikla þörf fyrir félagsskap og margmenni, ég verð að segja að oft langar mig að vera þannig líka. En á móti kemur að mikill hluti af mínum tíma fer í að afla mér þekkingar og skilnings á öllu sem hugurinn nær yfir, ég brýt heilan um allt sem mér dettur í hug og reyni að ná skilning á því sem ég fæst við það skiptið. það mætti deila um hvort tímanum sé betur varið í félagsskap og ræktun tengsla. Sjálfsagt er það eðlilegra? en hver segir hvað er eðlilegt og hvað ekki? þó skildi maður aldrei gleyma því hve margbrotin og ófyrirsjáanleg manneskjan er. Þetta er stórskemmtilegt umhugsunarefni er það ekki?
Kannski er ég bara skrítinn.

Ps. já ég á víst tvífara á selfossi.

Börninmín stór og smá

2006-11-19T14:54:00.000+01:00

Ég ákvað að setja hérna mynd af ungunum mínum, ég er svo stoltur.

Tilkynning til veffarenda.

2006-11-14T20:53:00.000+01:00

Við hjón höfum ákveðið að eiga von á öðru barni, barn þetta er með áætlaðan komutíma seint í maí, þetta er gert gagngert til að fá hærri barnabætur. Það er alveg ótrúlega gott að vera kominn heim aftur, ég er greinilega að skjóta rótum hér í danmörkinni og það er sko ekkert slæmt.
Því er nú ver að við gátum ekki heimsótt alla sem okkur langaði, þið verðið bara að fyrirgefa okkur það elskurnar okkar, Kiddi Gall og frú koma á morgun og verða í vikutíma, fleira er ekki í fréttum, góðar stundir.

Ísland

2006-11-09T18:20:00.000+01:00

Hér er ég á íslandi og hef ekki bloggað í góðan tíma, það lagast á sunnudag því þá fer ég heim til mín í baunasúpulandið, dóttir mín kallar mig afa og reindar alla aðra.

Hún um það og þið um ykkur.

Ljósið mitt

2006-10-24T10:58:00.000+02:00

Hvernig er hægt að standast þetta bros?

Heimur versnandi?

2006-10-23T06:06:00.000+02:00

Maður spyr sig? hve slæmt er ástandið í íslenskri pólitík ef það þarf að veita dæmdum þjóf "uppreisn æru,, til að manna þingið?. Það er með ólíkindum að þetta skuli viðgangast og það að eins og svo oft áður þá segja íslendingar ekki stopp!. Það eru nokkrar hræður sem tuða um þetta í sínu horni og búið. Spurning mín er þessi, af hverju eru íslendingar svona fljótir að gleyma? Jú sannarlega má segja að það beri að fyrirgefa, en það er einfaldlega andskoti erfitt að "gleyma,, þegar þingmaður íslenska lýðveldisins misnotar stöðu sína gróflega. Það er sannarlega mun alvarlegra sökum alls þess trausts sem þingmaður hefur. Hve margir eru endurráðnir eftir gróft brot í starfi? ég gæti þulið mörg dæmi þess hve harkalega þessi maður hefur gengið fram í yfirgangi og skjóli embættis, en spara mér það því það gleymist jafn óðum.

Skamm góðir íslendingar, það eru margir færir menn að bíða þess að komast á þing og þjóna hagsmunum ykkar af heilindum. Þessir menn er veljast á þing eru fulltrúar ykkar og þar verða að vera strangheiðarlegir og fyrirmyndarmenn á ferð.

Úti að leika

2006-10-18T21:26:00.000+02:00

Hérna erum við úti að leika, hún er nú ekki alveg sátt við sand og bleitu, enda dama þarna á ferð.

Einstæður faðir

2006-10-15T18:35:00.000+02:00

Konan á leið uppá Ísland á morgun. Við feðgin verðum ein í kotinu og förum svo 25,okt á vit ævintýra á Íslandi. Ég hlakka mikið til að hitta alla, sérstaklega Jóann minn. luv ya all

Snorri Helgason

2006-10-13T21:35:00.000+02:00

Í morgun kvaddi Snorri þennan heim. Hann var afi Jónínu í föðurætt. Ég hitti hann oft og ætíð var hann dásamlegur í minn garð. Þetta var karl af gamla skólanum, eflaust strangur á yngri árum en er ég kynntist honum var hann orðinn frekar veikur og maður sá í raun bara skuggan af þessum stolta manni. Ég veit að Jónína mín á eftir að sakna afa síns mikið, Svo og aðrir nákomnir Snorra. Ég vil votta þessu góða fólki mína dýpstu samúð á þessum erfiðu tímamótum.

Guð blessi ykkur öll.

Ísland nálgast

2006-10-11T09:19:00.000+02:00

Þá er búið að ákveða að fara á þann margrómaða stað Blönduós um leið og lennt verður á íslandi.
Gæðingurinn Halli Hólm er búinn að redda okkur bústað og er útlit fyrir að fjöllistahópurinn Grautur skemmti fullu fólki, Grautur var stofnaður af mér og Halla fyrir nokkrum árum til að þvo peninga og mun því aldrei spila fyrir peninga, það hefur ekki brugðist þau skipti sem við höfum spilað.

Þannig er nú það......

Afmælisungi

2006-10-08T19:23:00.000+02:00

Þarna ber að líta litlu afmælisstelpuna mína. Hún var eðlilega hrærð yfir að fá köku. Ekki hef ég meir að segja í bili.......

Mataræði

2006-10-04T23:50:00.000+02:00

Já ég er kominn með mataræði! mig langar að eta útí eitt, þetta kemur stundum yfir mig og ég veit ekki af hverju en ég passa að láta ekki undan því, annars verð ég feitur og þá vill Jónína mig ekki lengur og ég verð róni...... eða eitthvað svoleiðis. Nú er ferðin til Íslands á næstu grösum og því er ekki úr vegi að velta fyrir sér hvað skal gert á skerinu góða? einhverjar hugmyndir?

Íþróttabjálfinn

2006-10-02T17:32:00.000+02:00

Síðustu þrjár vikur hefur undirritaður verið duglegur í líkamsrækt og hollustu, samt sit ég fastur í 87kílóum og hreyfist ekki þaðan, furðulegt?.
Það er gaman að fara í ræktina og sjá hvernig hinir gera, sumir eru svaka klárir og gera svona æfingar sem ég gæti aldrei án þess að togna eða brotna, aðrir labba um og dæsa þungt yfir því hve þetta er erfitt, svo eru þeir sem eru alltaf að hnikkla vöðvana og horfa á sig í speglinum, það er allavega gaman að horfa á þetta góða fólk berjast til betri heilsu og fallegum kropp.
Það er komin hellings tilhlökkun í okkur að fara til íslands og hitta alla, það verður stuð mikið.

Litla barnið mitt er með hita og er voða slöpp, hún vill bara kúra hjá manni og það er besta tilfinning í heimi! hún er einmitt núna að kalla á mig bæbæ.

Óskarinn

Fagnaðarerindi

2006-09-27T20:56:00.000+02:00

Já nú höfum við hjónin ákveðið að taka okkur frí og breggða okkur til Íslands þann 25 okt til 12 nóv. Það er alveg kominn tími á að hitta vini og ættingja.
Tilgangur ferðar þessarar er að skemmta okkur með ykkur og það ærlega! sem dæmi um það er Halli Hólm búinn að bjóða okkur á hótel Blönduós þar sem oftast er fjör mikið og mjöðurinn mjúkur.

Hlökkum til að leika við ykkur.

Veikastur.

2006-09-26T23:51:00.000+02:00

Mér hefur ekki liðið vel undanfarið, ég er búinn að vera mikið veikur og það tekur mjög á sálina þessa dagana. Andlega hliðin er eitthvað sem ég tala aldrei um en læt nú vaða. Ég þoli ekki hve óheppinn ég er! ég hef slasast oftar en ég kæri mig um að muna og orðið veikur of oft, ég man ekki hve oft ég hef farið í sjúkrabíl, hve oft ég hef legið á sjúkrahúsi, hve mörg bein ég hef brotið, hve marga vöðva ég hef rifið, ég er löngu hættur að segja fólki frá þessu því það er bara þreytandi og gerir mig þunglyndan, hver nennir að standa endalaust í þessu?

Annars er ég góður.....................

Hættur allstaðar

2006-09-25T16:01:00.000+02:00

Hún dóttir mín er ekki sátt við að róla eins og sést....

Fólk deyr af völdum byssa

2006-09-20T10:18:00.000+02:00

Skrýtinn heimur sem við búum í, fólk er að skjóta hvort annað útum allan heim en samt vilja allir frið? USA ganga nú alltaf manna lengst í rugli og öfgum og það eitt að þú megir eiga hríðskotabyssu heima hjá þér (Texas) ef einhver skildi asnast til að koma inná lóðina þína og segja eitthvað við blóðþyrsta dobermann hundinn þinn sem gæti orkað tvímælis. Árlega er haldin hrekkjavaka þarna úti og þá fá æði margir að horfa ofaní byssuhlaup, spurningin er? er þetta svokallað Superpower? geta þeir talað um mosambik sem þriðjaheim?

Kaffi og sígó

2006-09-18T21:01:00.000+02:00

Eftir geðbilað langan tíma eða 4 sólarhringa er loks komið vatn á gettóið okkar og við fögnum eins og sómali með fötu af vatni, í dag gekk ég að vatnslögninni til að gæta að framgangi verks, þar var kunnugleg sjón, 5kallar að spekúlera hvort þeir næðu að gera eitthvað fyrir kaffi og einn að moka með svona minigröfu, ég stóð þarna í góða stund og fylgdist með, allan tímann spáðu þeir helling og reyktu álíka mikið, það eina sem var eftir var að splæsa þessu saman og hleypa vatni á! Þetta var klukkan eitt! vatnið kom um fjögur!!!. Danir eru lélegustu helv starfskraftar í heimi! 4dagar? ein lítil lögn? Megi þeir allir fá blæðandi niðurgang og kíghósta í stíl. ef þú þekkir danskan verkamann þá bið ég ekki að heilsa honum!!

Þessi reiði var úr skálum mínum og í boði bykó
Við skulum sjá hvað gerir mig vitlausan næst. Bless.

Vatns, sjónvarpsleysi og almennt vitleysi

2006-09-14T15:26:00.000+02:00

Það er alveg með ólíkindum hve miklir molbúar og aular Danir geta verið! það má ekkert koma uppá þá er fjandinn laus og enginn gerir neitt fyrr en allt er farið í drasl!
Það fór vatnslögn hérna við blokkina í gær og hún er víst af einhverri stærð sem hvergi finnst! þetta er erfitt fyrir mig að skilja því allar stærðir af neysluvatnslögnum eru jú til og alls ekki erfitt að nálgast þær, í dag fór ég út og sá hvar vatnið bunaði uppúr jörðinni og feitir kallar horfðu á og spekúleruðu mikið, Plís!!! þetta er svo lítið mál að laga!!! til að bæta gráu ofan á svart þá horfðu þeir á sjónvarpskassan á floti og voru að spá í því hví ekkert sjónvarp væri á allri blokkinni, einhversstaðar er einhver sem borgar þessum mönnum fyrir að horfa á svona og vera heimskir, seinna í dag kemur vatnstankur við blokkina og við verðum að sækja vatn út! á morgun er föstudagur og þá hætta þessir aumingjar á hádegi og þá verður vatns og sjónvarpslaust framyfir helgi!!!!!!!!!!!!

Sprengjuhótun á lestarstöðinni í dag og allt í panikki!?!"
á svona dögum langar mig heim

Lilla í legolandi

2006-09-14T15:20:00.000+02:00

Þarna er hún Petrína mín í legolandi (sem var lokað) enda er komið haust þó hitinn sé mikill þessa dagana.

Skokka!

2006-09-12T14:03:00.000+02:00

Ég er farinn að skokka smá hring hérna í sveitinni og það gengur þannig fyrir sig að ég skokka smá og blæs eins og búrhvalur (Hvalur í búri?) og geng smá spotta, svo skokka ég smá og byrja svo að hósta og gelta eins og berklasjúklingur og held þannig áfram, er þetta gáfulegt? ég er enginn Íþróttabjálfur!!!!
Við sjáum hvað ég endist í þessu.
Love Óskar.

Baðstrandababe

2006-09-10T23:09:00.000+02:00

Erum við ekki sæt?

Blessaður afinn minn

2006-09-04T20:23:00.000+02:00

Aðfararnótt laugardags lést hann afi minn eftir viku legu. Hann hét Skafti Jónasson og bjó á Skagaströnd öll sín ár, hann varð 91 árs og átti að ég held hamingjuríka ævi. Ég get svosem ekki sagt mikið um hann annað en það að hann var ljúfur og rólegur grásleppukarl, ég mun sakna hans mikið og votta ykkur sem hans sakna samúð mína alla, fyrir mér var hann fulltrúi síðustu aldar, mikill hafsjór sagna og fróðleiks og síðast en ekki síst elskaður faðir, afi, langafi og langalangafi.

Mútta

2006-08-21T12:20:00.000+02:00

Nú er hún móðir mín og hennar tvíburasystir í heimsókn og er það vel, frábært veður og kallinn í fríi í dag og á morgun, hef þó unnið stanslaust í fjórtán daga og mun gera það ef ekki meir frá og með miðvikudegi, en hverjum er ekki sama um það? ég bið að heilsa yður og yðar.

Kofi Óskars frænda

2006-08-18T21:43:00.000+02:00

Já vonandi verður hann minn, enn bíðum við átekta. góðar stundir

Staðið á öndinni

2006-08-17T19:15:00.000+02:00

Enn bíðum við átekta með hús sem við buðum í, þetta er algjör draumavilla! en það eru skemmdir á húsinu sem valda óróleika hjá lánastofnuninni og því þarf að taka kjarnapróf og greina þrýstistyrk sökkulsins ofl, fyrr lána þeir ekki Þó er ég viss um að þessar skemmdir eru yfirborðs legs eðlis og lítið mál fyrir mig að laga, sjáum hvað setur.........

Ölseta

2006-08-13T20:50:00.000+02:00

Við höfum nú sjaldan setið á ölinu, það er annað með dóttur okkar sem einmitt settist á ölið í Þýskalandi hér á dögunum

Hústak

2006-08-11T19:53:00.000+02:00

Nú erum við hjú á miklum heimilisveiðum, erum að leita að húsi til kaups hér úti og allt útlit fyrir að við séum komin með eitt............ Handlagnir vinir og félagar velkomnir sýnist mér á öllu.

Sjaldgæf sjón

2006-08-08T21:51:00.000+02:00

Það eru ekki margar myndir af okkur saman svo hér er ein fín í boði hússins, miss you......

Þetta er ég og enginn annar

2006-08-06T18:38:00.000+02:00

Ég er reiður núna! það gerist ekki oft eins og þeir sem þekkja mig vita, ég er með stórt hjarta og stórt skap. Of oft fæ ég að heyra gagnrýni á mig og mína persónugerð, yfirleitt er sú gagnrýni byggð á sandi eða tómt slúður. Gagnrýni verður að vera uppbyggileg og byggð á einhverjum staðreyndum, að öðrum kosti virkar hún ekki og er engum til framdráttar.
Orðin "bara,, og "afþví,, eru yfirleitt notuð af þessu auma fólki.
Ástæðan fyrir því að ég segi þetta allt hér er sú að ég er orðinn dauðþreyttur á baknagi og kjaftagangi frá svona fólki!.
Sjálfur geng ég lífsins veg með hag og þægindi annara að leiðarljósi og má ekkert aumt sjá, ég er sterkur karakter og um leið mjög viðkvæmur fyrir þeim sem standa mér næst.
Einhver góður maður sagði "Aðgát skal höfð í nærveru sálar,, og annar góður sagði "Þú skalt ekki ætlast til meir af öðrum en þú gerir af þér sjálfum,,
Næst þegar þig langar að gagnrýna einhvern, taktu þér tíma til að spá í af hverju þú vilt gera það og einnig hvort þú hafir yfirleitt efni á því, líttu þér nær og reyndu að vera betri í dag en þú varst í gær, þetta er mitt mottó og ég vil meina að það hafi gert mig að þeim manni sem ég er í dag.
Ég vil ekki þekkja fólk sem hagar sér svona og bið um að vera látinn í friði af umræddu fólki. Þið sem gagnrýnið eruð ófeimin við að láta stór orð falla og hafið sjaldnast manndóm í að sjá villu vegar ykkar, hvað þá færa rök fyrir máli ykkar. Gagnrýni ykkar er velkomin hingað inn undir augum vina minna og kunningja.

Annars er ég bara hresss (gott að taka til öðru hvoru)

Kv Óskarinn ykkar flestra

Bambínos

2006-08-04T20:17:00.000+02:00

Ég þreytist seint á að lofsyngja ungana mína, þeir eru frábærir eins og sést á meðfylgjandi myndefni, fljótlega mun ég verða duglegri við að blogga......En núna er ég bara latur og segi því haltu kjafti við alla sem vilja að ég geri eitthvað.....

Pabbastelpa

2006-07-24T16:08:00.000+02:00

Ég er besti pabbinn allavega hérna heima sendið mér nú myndir gott fólk, annars verð ég fúll

Fríleysi

2006-07-17T19:24:00.000+02:00

Fyrsti vinnudagur eftir frí er kominn að kveldi, ágætis dagur með fullmiklum hita og brennandi sól. Fríið var þó miklu betra því ég er nánast búinn að eiða öllum stundum með konunni og börnunum, veit ekkert betra þessa dagana en að vakna eldsnemma með Petrínu og leika við hana, svo hef ég Jóann minn líka þannig að allt er eins og ég vil hafa það, Hvað er að frétta frá Íslandi? eða einhversstaðar annarsstaðar? Farið ykkur hægt og góðar stundir.

Tívolíið og við

2006-07-15T21:32:00.000+02:00

Þarna erum við í tívolíinu hér í bæ, gaman og fjör. Myndina tók Huginn frændi minn og gæðablóð.

Ford A

2006-07-12T20:56:00.000+02:00

Jói fílaði þennan

2006-07-12T20:54:00.000+02:00

Fornbílar

2006-07-12T20:45:00.000+02:00

Hér er kallinn á bílasafni í Gern fyrr í dag, þar eru yfir hundrað bílar og allir í einkaeign, þetta var akkúrat eitthvað fyrir mig og mína, við höfðum öll gaman af þessu, allir ættu að skoða þetta safn á leið sinni um Danmörk.
Safnið fær fimm bjóra af sex mögulegum.

Luvlí

Reyklausa árið mitt

2006-07-10T18:43:00.000+02:00

Þetta er spes dagur því ég hætta að sjúga logandi reyktóbak fyrir nákvæmlega ári síðan.
Margt vatn hefur runnið til sjávar á þessum tíma og ég hefði ekki trúað að ég gæti hætt en raunin var önnur, eins og oft þá höfðu fæstir trú á að ég gæti þetta. Það er aftur merkilegt hvað fólk getur verið vantrúa á mann, "þú heldur þetta ekki út,, "þú verður byrjaður eftir mánuð,, Af hverju ekki að vera bara jákvæð og uppbyggjandi þegar fólk er að reyna að yfirstíga hjall sem þennan, það er reyndar alveg sama hvort það eru reykingar eða hvað annað, móralskur stuðningur er gulls í gyldi.
Jóinn minn er hjá okkur og litla fjölskyldan sameinuð og það er mikið gaman

Barnalán

2006-06-25T20:05:00.000+02:00

Elsku besti strákurinn minn kemur á laugardaginn, ég hlakka mikið til að góna á þetta tröll sem var litla barnið mitt, hann er orðinn stærri en Ingvar! það er nú reyndar dóttir mín líka og allir aðrir, góður drengur samt.
Hér er heitt og ég vinn eins og blökkukona á nashyrningsveiðum í kalaharí, er einhver að upplifa það sama? mér er spurn???

Stúlkurnar mínar

2006-06-19T20:35:00.000+02:00

Hita bylgja

2006-06-10T20:29:00.000+02:00

Engu nær sólu hef ég verið, lafmóður og sveittur baslast ég gegnum daga hér og sól ófyrirgefandi, skerið mitt fagra.. hvað hef ég gert...hvar er golan... hvar er norðanáttin?

Skógurinn heima

2006-06-08T12:54:00.000+02:00

Já erum við ekki sæt?

Afmæltur í dag

2006-06-04T12:59:00.000+02:00

Jú engum blöðum er um það að fletta, ég hef bætt einu ári á.
Ég verð að segja að þrátt fyrir margþátta erfiðleika og meiðsl þá má með sanni segja að hamingjuríkara ár hef ég vart átt. Það er gott að vera 35 ára vel giftur og hamingjusamur faðir tveggja fullkominna barna. Mörgum svíður undan árum sem hrannast upp hraðar og hraðar án þess að nokkrum vörnum verði við komið, þannig er ekki komið fyrir mér, ég er að verða fullorðinn loksins og fagna því.
Ef ég horfi til baka þá hefur margt drifið á daga mína, ég hef eignast góða kunningja og enn betri vini, hér eru þeir í engri röð.
Jóhann Freyr Óskarsson, Gunnar Sturla Hervarsson, Jónína Helgadóttir,Valdimar Teitur Einarsson, Ingvar Valgeirsson, Christel, Bergur Geirsson, Kolbrún Pálsdóttir, Snorri Helgason, Björn Valur, Halldór Hólm, Kristinn Gallagher, Pétur Örn Guðmundsson, Símon Hármeistari, Orri Sveinn, Steingrímur Árni Thorsteinsson, Gunnlaugur Hrærimeistari, Valdimar Númi, Einar Valdapabbi, Gulli BTB, Hólmfríður hin fagra, Margrét Úrsúla, Hannes Sigurgeirsson, Þórdís Helgadóttir, og allir hinir.

Þið eruð best......

Brennivín

2006-05-29T21:41:00.000+02:00

Einu sinni fórum við Pétur á Brennivínsfyllerí, það var skrítið! núna er mánudagur og ég er að sötra Íslenskt Brennivín mér til heilsubótar, þeir sem hafa eitthvað útá það að setja mega éta gamalt rúgbrauð með kæfu! Elska ykkur öll og mest þó börnin mín fallegu og blessaða kerlinguna sem er einmitt á námskeiði núna, annars væri ég ekki að sötra brennivín skelörö?

Yndið mitt og ég

2006-05-27T19:22:00.000+02:00

Staðið á öndinni

2006-05-24T20:12:00.000+02:00

Það er önd í vinnunni minni, hún er voða gæf og kvakar mikið. Ég stóð mig hinsvegar að því um daginn að ég var að spjalla við hana og áttaði mig á að það var fólk að horfa á mig og Andrésínu önd, hvað ætli fólk hafi haldið? ég röflandi á íslensku við danska önd! hverjar eru líkurnar á að hún skilji mig?

Það er kominn nýr verkstæðismaður hjá 3V (þar vinn ég) og hann er nánast heyrnarlaus, hann les af vörum og talar eins og heyrnarlausa leikkonan sem aðeins Ingvar veit hvað heitir.
Nema hvað að hann les af vörum og skilur ekki baun sem ég segi, svo skil ég hann ekki þegar að hann segir að hann skilji mig ekki, ágætis náungi engu að síður þó hann hlusti ekki á mann

Bros

2006-05-21T14:43:00.000+02:00

Þetta er mínir ágætu bræður, ég á samt tvo í viðbót einhverstaðar á fróni, svo á ég tvær systur og eina mömmu. Svo er það pabbi og afi, amma er dáin og hin líka, ég á frænda í sveit og frænku sem er skrítin. Ari fróði var skildur mér áður en hann dó, þá var ég ekki til.
Ég held að Gaui litli og Ögmundur Jónasson séu ekki frændur mínir þó gæti það verið, lauslæti og hórdómur er aldrei langt undan.
Ef þú ert frændi minn, láttu mig þá vita. Maður verður að fylgjast með svona löguðu.
En ef þú ert ekki frændi minn en vilt vera það, hafðu þá samband og við getum athugað hvað við getum gert. En ef þú vilt ekkert af mér vita og þolir mig illa, láttu mig þá líka vita.

Gestauppgangur

2006-05-18T20:30:00.000+02:00

Hér hafa verið gestir og gangandi upp um alla veggi, það er ekki leiðinlegt og bráðum kemur næsta holl, Afsakið letina í blogginu, úr því verður bætt hið snarasta, ég er búinn að fá launahækkun og eigandinn er að spá í að ættleiða mig, annars fer Silvía að stíga á stokk svo ég kveð með kurt og bí.

ég sakna mömmu

Ykkar maður í mörk dana.

Er það sem áður var

2006-05-03T21:24:00.000+02:00

Ég er í stuði þessa dagana, og fer mikinn! vinn eins og Íslendingur og drekk eins og dani í afmæli bróður síns heitins.
Nú fer hann karl faðir minn og hans ágæta frú að koma í vísiteringu, völlur á þeim hjónum, með þeim verður minn príðilegi yngri bróðir Númus og er það hið besta mál, tilgangur þeirra er ferming Laufeyar sunnu frænku og ljúfmenni, þar verður glatt og glens og glaumur eins og vant er á því heimili, ég sakna vina minna á Íslandi og græt því hér með........ góðar stundir.

Hurðarlaust helvíti

2006-04-26T21:00:00.000+02:00

Nú er mér nóg boðið! þetta úldna net inters er alveg ótrúlega óstapílt og hreint glatað hér í blokkinni, ég sker upp herör og eitthvað fleira gagnlegt ef ekki verður bætt úr þessu hið snarasta!! hér hef ég skrifað hvern pistilinn á fætur öðrum og ekki getað vistað hann, fullt tilefni til málsóknar á hendur þeim vesaling sem stýrir gufuvélinni sem knýr netið. Ég er Íslendingur og verð það alltaf, það er makalaust hvað þjóðerniskenndin og ættjarðarástin eru sterk, tökum dæmi,,, í dag spurði mig fávís innræktaður dani hvort þeir ættu ekki skerið sem ég hröktist frá, maður þessi mun seint jafna sig á pistli þeim er ég las yfir hausamótum hans, þar kom ég inná þá þekktu staðreind að við erum orginal víkingar og hetjur, fallegasta kvenfólkið og sterkustu menn heims svo langt aftur að elstu menn muna ekki rass, guð blessi veðravítið Ísland og alla ábúendur þess bless,

Tæknilegir örðugleikar

2006-04-24T18:17:00.000+02:00

Ég játa á mig leti og aumingjaskap í bloggmálum, þó hefur tæknin strítt mér líka og Jónína hefur líka strítt mér, mér hefur barasta alltaf verið strítt!!.
En nóg um það, eins og komið hefur fram áður þá er ég ruslakall og er að keyra gámum frá gámastöðvum í risastóra brennslustöð, nema hvað, á þessum gámastöðvum er margt um manninn og oft ansi þröngt á þingi, þó svo sé þá eru allir svo vingjarnlegir og kurteisir að það er bara með ólíkindum, það er sama hvað gengur á, þeir keppast við að hjálpa hvor öðrum og biðjast afsökunar, stundum fæ ég það á tilfinninguna að það sé eitthvað að þeim, ég meina hver getur endalaust brosað og verið happy eins og eitthvað fífl? ég á greinilega margt ólært börnin góð, hérna vil ég búa og ala mín börn, engin spurning, engin verðtryggð lán né rugl með eitt og annað, hananú, verið sæl að sinni.

Mánudagsblaður

2006-04-17T17:38:00.000+02:00

Ekki er nú mikið títt úr landi Hamlets, þó er hitinn skriðinn yfir tíu stig síðustu daga, ég er að reyna að vakna til lífsins og semja tónlist og texta, ég samdi texta við lag eftir Gunnar sturlu um daginn og söng það inn í upptökuveri sem Gunni hefur aðgang að, við vorum bara kátir með þetta demó og ætlum að halda áfram að fikta, þetta er bara gaman og ekki oft sem maður finnur svona góðan samstarfsfélaga, frábært og gaman bless

Orðaleikfimi

2006-04-13T23:35:00.000+02:00

Bekkjarafmælið
Ósk Ýr gekk rösklega með Brand Ara í afmælið til Egils Daða því hún var
að verða of sein að sækja Leif Arnar og Loft Stein í leikskólann.
Borgar Vörður, pabbi Egils Daða, tók á móti þeim.
Þarna voru Lind Ýr, Líf Vera, Sól Hlíf, Ævar Eiður og Hreinn Bolli.
Erlendur Hreimur kom blaðskellandi innan úr stofunni og vinkonurnar
Vísa Skuld og Dís Ester fast á hæla honum.
Mýra Þoka lét lítið fyrir sér fara úti í horni.
Innan úr herbergi Egils Daða bárust ógurlegir skruðningar -
"#%=&#$&/(=!z#$!/!=!
Línus Gauti, Barði Vagn og Mist Eik voru greinilega mætt. En hvar var
Ríta Lín?
Fyrir utan var Sædís Líf í rauðum fólksvagni.
Hægt og sígandi nálgaðist Jökla Þoka eftir stígnum.
Hún var orðin alltof sein í afmælið.

Eiðist það sem af er tekið.

2006-04-11T08:32:00.000+02:00

Já svo er nú það, ég hef einhverstaðar tapað 6 kílóum undanfarið, af nógu er að taka því 91 kíló sitja eftir og mættu svona 6 fara til viðbótar, nú er ég að verða 35 og hugsa oft um það hvað varð um síðustu 15 ár, þá fer ég að líta til baka og sé að þessi ár voru hreint ekki slæm, þó svo að maður hafi gengið á hvern vegginn á fætur öðrum og tekið rangar ákvarðanir þá er ég þokkalega sáttur.
Það var aldrei logn og rólegt hjá mér, ég var alltaf að, spilaði mikið fór víða og kláraði allt af batteríunum hvað eftir annað eins og margir, á þessum tíma kynntist ég mörgu góðu fólki og lærði óhemju margt.
Nú sit ég hér í Danmörkinni og er giftur dásamlegri konu sem elskar mig eins og ég er, ég á tvö fullkomin börn og góða ættingja, hvað er hægt að byðja um meira? Commentið hvort sem ég þekki yður eður ei.

Allt fram streymir

2006-04-07T20:59:00.000+02:00

Ég fæddist árið 1971 og man ekkert eftir því, hins vegar man ég þegar ekkert sjónvarp var á fimmtudögum og sumarfrí voru ekki til, þá kostaði kúlan 5kall á bensínstöðinni og við lékum okkur allan daginn, Halli Odds (síðar söngvari stripshow) kúkaði úti og snjórinn náði alltaf uppá þak. Þetta var allt á síðustu öld gott fólk, var hún betri en þessi?

Ósögulegir tímar

2006-04-04T18:47:00.000+02:00

Það ber lítið á daga mína og allt við það sama, þó er ég hressari en oft áður og horfi spánskur fram á veginn, ber einnig ómælda ást til ykkar allra og því fagna ég stöðugt og í kór.

Fann þetta hjá sólon strákunum

2006-03-31T20:48:00.000+02:00

http://simnet.is/solonweb/Minningar.mp3

Hvar er ég?

2006-03-31T19:21:00.000+02:00

Tannpínupúkinn

2006-03-30T18:51:00.000+02:00

Þarna er nú fjörið mikið, Ingvar með þetta bros!! Pétur búinn að taka útúr sér tennurnar.

Er óhollt að reykja?

2006-03-28T18:13:00.000+02:00

Ég held ekki, nú reykja danir eins og þeim sé borgað fyrir það stórfé og ekki detta þeir niður dauðir útum allt. Nei! þeir hlaupa og hjóla eins og það sé skemmtilegt og eru alltaf kátir, þetta vekur að sjálfsögðu spurnir hjá mönnum eins og mér sem eru hættir að reykja og dauðsjá eftir því oft á tíðum. Lars Ole vinnufélagi minn er gott dæmi, hann er að keyra svona gámabíl eins og ég, hann reykir og bölvar all svakalega (gengur einnig í tréklossum) og ekkert svosem athugavert við það, nema hvað að kauði átti frí í dag og mætti á stað sem ég var að vinna á í fjólubláum og skrautlegum spandex galla með einhvern keppnis reiðhjóla hjálm og á þessu líka fína keppnis reiðhjóli. Neil Armstrong hefði fengið ristilkrabba hefði hann séð þetta, kappinn sté af fáknum, sagði farir sínar sléttar og kvaðst hafa hjólað margar mílur í dag svo tók hann upp prins pakkan og svældi í sig, ég glápti bara á hann og vissi að svona vildi ég verða þegar ég yrði stór. Reykingar eru gefandi og skemmtilegur félagi á lífsleiðinni, ég sakna þess daglega.
Góðar stundir.

Enginn verður óbarinn nágranni

2006-03-22T21:09:00.000+01:00

Svo er nú það, ég sit hérna með skjálfta og adrenalínið flæðir um æðar mér, þannig er að rétt áðan er bankað og Jónína fer til dyra, svo heyri ég að hurðinni er skellt og Jónína æpir á mig! ég spratt upp og rauk fram og út og bjó mig undir að berja mann og annann, ég var viti mínu fjær af reiði því ég bjóst við hinu versta, þar stóð þessi stóri pakistani sem býr hérna í næstu íbúð og var mikið reiður ég byrjaði á því að öskra á hann hvaða læti þetta væru og bauð honum að ég myndi ganga í skrokk á honum, þá var hann fúll yfir því að við settum alltaf sígarettustubbana hans á þröskuldinn hans, ég gerði honum það alveg ljóst að því mundi ég aldrei hætta og bauðst aftur til að lemja þennan stóra mann, hann þáði það ekki og þá hófust miklar rökræður sem enduðu með því að hann lofaði að hætta þessum sóðaskap.
Ég fer inn og þá leiddi Jónína mér það fyrir sjónir að þetta hafi nú verið óþarfa æsingur og full mikil karlhormón af minni hálfu, tíu mínútum síðar banka ég hjá kauða og bað hann afsökunnar á þessum tilboðum um barsmíðar, hann tók vel í það og nú erum við vinir. Hvað má nú læra af þessu???

Morgunstund

2006-03-21T18:46:00.000+01:00

Ég þarf alltaf að vakna klukkan 5 á morgnana til að fara í vinnuna, það var ekki beint auðvelt til að byrja með og kallinn oft ansi beyglaður síðdegis, nú horfir annað við, það er bara fínt að fara snemma út og horfa á sólina koma upp um 5:30. Í dag var frábært veður og fyrsta vísbending um vorið komin, bændur eru farnir að dreyfa og vökva, blóm í vegkanti og bara vorlykt í lofti. Þetta er algjörlega besti tími ársins og ég elska ykkur öll afar mikið, Fögnum vori og striplumst í dögginni.
Kveðja
óskarinn ykkar allra.

Sir Charles Spencer Chaplin

2006-03-15T20:35:00.000+01:00

Þessi maður var einn mesti snillingur kvikmyndasögunnar. Ég var að fá í hús Countess from Hong Kong og verð að segja að hún er snilld! Hvað veistu um hann? Allir að segja eitthvað því þá er svo gaman

Ræðumaður dauðans

2006-03-10T19:31:00.000+01:00

Púff!!! Ég hef þann einstaka hæfileika að lenda alltaf í einhverju veseni og undarlegum uppákomum, í dag fór ég á fund með sendiherra Íslands í danmörk. Svavar Gestsson fyrrverandi Alþýðubandalagsmaður og töffari í alla staði, hann var frábær og sýndi málefnum mikinn áhuga, verra var þegar hann bað mig að standa upp og halda tölu fyrir konsúlinn nýráðinn, ég er ekki það góður í dönsku!!!! en gerði það samt og bara gaman.

Gert er ráð fyrir stormi......................

2006-03-09T23:06:00.000+01:00

Það hefur verið talsvert hlýrra á fróni en hér í baunverjalandi nú í vetur og þá er ég nú hættur að skilja þessa vitleysu! ég flutti ekki hingað til að láta mér verða kalt út í eitt...
Veturinn í fyrra var sá kaldasti í 40ár hérna og þessi vetur er virkilega að reyna að gera betur, það er kalt alla daga! En það mun vora fljótlega og þá er næsta víst að maður verður ekki fjarri góðu gamni.
Hérna er mynd af litla englinum mínum sem er nýorðin 5 mánaða. hún er frábær eins og mamma hennar. Þið eruð líka frábær, klöppum fyrir okkur öll sem eitt, svona já,, og teygja,, og rétta,, Þá verður þetta ekki lengra í bili,,, góðar stundir.

Enginn er verri þótt hann vaki

2006-03-06T20:09:00.000+01:00

Ég hef alla æfi átt erfitt með svefn þá meina ég að ná svefn, þegar svefninum er náð þá á ég ekkert erfitt svo ég viti. Í gærkveldi fórum við hjú til rekkju á mjög kristilegum tíma ca 10, það var notalegt í alla staði og áður en langt um leið var frú Jónína sofnuð, ég átti ekki sömu lukku að fagna svo ég vakti hana auðvitað til að segja henni að ég væri ekki sofandi, þegar þarna er komið við sögu er klukkan um 12, ég spjallaði við kvinnu og svo fór að hún sofnaði aftur. Þarna lá ég einn í nóttinni skíthræddur við að verða andvaka, það er nefnilega ekki neitt spaug að aka fluttningabíl hálfsofandi í Aarhus! svo varð klukkan eitt.......hálf tvö.......þrjú...... bæ ðö vei þá átti ég að byrja að vinna hálf sex! ég lá þarna eins og hálfviti og gat ekki annað þangað til ég fór á fætur klukkan fimm! ósofinn!!! frábært og æðislegt í alla staði!!! ég byrjaði að vinna og var bísna teygður og tussulegur, nú er klukkan hálf níu kvöldið eftir og ég hef sofið í tvo tíma á síðustu 36tímum! ég er að fara að sofa og það er ekkert sem getur stoppað mig heheheheheheheheh.

Við þá sem óttast um geðheilsu mína vil ég segja. Góða nótt.